Epekto ng Retention Policy: Pananaliksik

EPEKTO NG RETENTION POLICY SA MGA MAG-AARAL NA KUMUHUKA NG KURSONG BACHELOR OF SCIENCE IN ACCOUNTANCY

Isang pananaliksik na iniharap sa guro sa Filipino, Rogationist College Lalaan II, Silang, Cavite bilang bahagi ng pagtupad sa mga pangangailangan sa asignaturang Filipino sa Iba’t Ibang Disiplina

Abanico, Jirah M., Abeleda, Allyssa A., Cebeda, Diana Losel P., De Sagun, Elaine Andrea M.
Marso 2020

Ang kursong accountancy ang isa sa sinasabing pinakamahirap na kurso kung saan ay hindi masigurado ng isang mag aaral kung siya ay mananatili sa programa. Dito ay kinakailangan ng masidhing pag-aaral, pag-unawa, at determinasyon upang mas lalong maunawaan ang bawat aralin at para na rin makapagtapos sa kursong ito. Ayon kay Dixon, ang pag-aaral ng Accounting ay nangangailangan ng determinasyon, at pagsisikap dahil ito ay magbubunga din balang araw ng katagumpayan. Sa kursong ito pinapatupad ang tinatawag nilang “retention policy”.

Ang Retention Policy ay hanay ng mga patnubay kung saan ang ilang paaralan ay sumunod sa isang minimum na grado para sa mga mag-aaral na kumukuha ng kursong accountancy upang sila ay makatuntong sa susunod na antas. Ito rin ay may mahalagang ganap sa industriya at ibang propesyon (Leavitt, 2007). Ayon sa mga ilang mag aaral, ang pagpapatupad retention policy ay parang isang paligsahan kung saan matitira lamang ang matitibay o kung tawagin sa Ingles ay “survival of the fittest”. Kinakailangan ng mga mag aaral ang matinding pokus at determinasyon kung gugustuhin talaga nilang matapos ang kursong accountancy. Ito ang ilang mga paaralang nagpapatupad din ng retention policy para sa mga mag-aaral ng accountancy: Rogationist College, De La Salle University, Ateneo de Zamboanga at madami pang iba. Iisa lamang ang layunin ng mga paaralang ito; upang makabuo ng mga topnotcher at mapataas ang porsiyento ng CPA Board Exam.

Isang pag-aaral ang ginawa ng mga estudyante sa Pamantasan ng Silangan, Maynila noong Marso 2016 na nagbigay ng sarbey-kwestyoneyr sa limangpung (50)

apilingn mag-aaral na kumukuha ng kursong BS Accountancy sa Pamantasan ng Silangan, Maynila. Nasabi na kada semester ay bumababa ang bilang ng mga estudyante sa programang BS Accountancy, sa kadahilanan na nawawala ang konsentrasyon ng mga mag saaral dahil sa social media at hindi na nakaka abot sa minimum na grado na binigay ng paaralan.

Ang pag aaral na ito ay naglalayong malaman kung ano ang mga positibo at negatibong epekto ng retention policy at karanasan ng mga mag aaral na nasa programa ng BS Accountancy. Nais ding malaman ng mga mananaliksik kung papaano nabago ng mga mag aaral ang gawi ng pag-aaral nila dahil sa retention policy.